منوعات

قصه ساره الجزء الأول

قررت اني مش هتجوز علي مزاج مرات اخويا.. انا هقعد علي قلبهم
انا اسمي (ساره)عندي ٣٥سنه بس لسه انسه متجوزتش .. لاني كنت بحب واحد زمان واخويا رفض اني اتجوزه رغم اني كنت شيفاه مناسب ليا ورغم انه اتقدم لي كذا مره وفي كل مره اخويا يرفضه لمجرد ان مراته مش موافقه وهو ميقدرش يكسر لها كلمه.. انا كمان قررت اني مش هتجوز علي مزاجهم واني هعيش كده علي قلبهم زي مرفضو حبيبي

اخويا (احمد) متجوز مراته (رحمه ) من اكتر من عشرين سنه .. هي اسمها رحمه بس معندهاش ريحه الرحمه .. ربنا رزقهم بتلات بنات كلهم طالعين نسخه من مامتهم
وطبعا اخويا مش شايف فيها اي عيب بالعكسده شايفها ست الحسن والجمال الاصيله الخدومه وكتر خيرها انها مستحملاني عايشه معاها السنين دي كلها من يوم متجوزت اخويا

طبعا انا عايشه معاهم وشايفه تصرفاتهم الغلط ولما بتكلم مش بيعجبهم كلامي وبطلع انا الوحشه في الاخر
من فتره قررت اعيش في حالي اروح شغلي وارجع المغرب ادخل اوضتي مخرجش منها غير تاني يوم وانا نازله الشغل
من فتره كنت تعبانه واخدت اجازه طويله شويه من شغلي وقعدت في البيت

بدات الاحظ من فتره ان رحمه طول اليوم ماسكه الموبايل وبتتكلم بصوت واطي وتضحك ضحكات غريبه ..  ولاحظت كمان انها كل كام يوم بعد مخويا يفطر وينزل شغله الاقيها تلبس وتتشيك وتحط ميك اب كانها رايحه فرح وتنزل مترجعش غير قبل معاد اخويا بوقت قصير.. وطبعا لو اتكلمت محدش هيصدقني ..

واخمد اخويا دايما فاكرني عايزه اوقع بينه وبين مراته علشانها رفضت حبيبي زمان ومش بيصدق اي كلمه بقولها له عنها.. قررت اراقبها بنفسي .. وفعلا مشيت وراها يوم من غير متحس..لقيتها دخلت عماره وقفت استنيتها لقيتها نزلت بعد تلات ساعات ومعاها راجل معرفوش
.. والله عال بتقابليه كمان؟ مش كفايه طول النهار بتكلميه علي الموبايل .. بس العيب مش عليكي العيب علي اخويا

رجعت البيت وانا مش عارفه اعمل ايه؟ اسكت؟ يبقي عيب في حقي وحق اخويا ان مراته تبقي بالاخلاق دي.. ولو حكيت لاخويا مش هيصدقني .. ولو واجهتها هتشتمني وتتخانق معايا .. ومش بعيد تشتكي لاخويا واخويا يقف في صفها ويغلطني ..
عدي كام شهر واخويا اخد مراته وراح لدكتور يكشف عليها علشان عايزها تحمل للمره الرابعه علشان نفسه في ولد..وكانت المفاجاه الي غيرت حياتنا كلنا ..
يتبع
الجزء الثاني من هناااااااااا

اظهر المزيد

مقالات ذات صلة

زر الذهاب إلى الأعلى