منوعات

قصه ساره الجزء الثالث والأخير

وهيعمله تلات مرات علي التلات بنات علشان دكتور مش فاهم حاجه؟ .. وانتي عارفه التحاليل دي مكلفه اد ايه وعارفه ظروف اخوكي ياشيخه حرام عليكي اتقي الله.. وبصت لاخويا وقالت له متصدقهاش دي عايزه توقع بينا

اخويا قال لها انا هعمل التحاليل بس مش علشان مش واثق فيكي .لكن علشان اثبت لها ان كلامها غلط وتتخرس وتبطل تفتري عليكي وطول مهي عايشه في بيتنا متفتحش بوءها
وسابني ودخل اوضته
انا فضلت افكر معقول البنات دول مش بنات اخويا؟ وياتري رحمه عارفه انهم مش بناته ؟ .. وياتري عارفه ابوهم مين؟.. هم البنات كلهم امهم في الشكل والاخلاق بس بصراحه عمري متصورت ولا جه علي بالي انهم مش من اخويا

وراح اخوياعمل التحاليل والنتيجه طلعت بعد اسبوع وكانت الصدمه ان البنات التلاته مش بنات اخويا ولا في اي تطابق معاه .. ومراته كانت عارفه..
في اليوم ده كنت قاعده في اوضتي لقيت اخويا داخل من الباب وشه اسود وبيقول هي فين الخاينه؟

… قولت له رحمه مش هنا خرجت من شويه
قعد علي الكرسي وكان رجليه مش شيلاه.. قال لي انتي كان عندك حق البنات مش بناتي عايش١٨سنه بربي في بنات مش من صلبي
طبعا اخويا طلق مراته وسابت البيت واخدت بناتها معاها

واخويا قال لي سامحيني يا ساره ده ذنبك لما رفضت اجوزك للانسان الي بتحبيه .. عيطت وقولت له كل شئ نصيب وانا مش زعلانه منك وعارفه انك كنت مغيب ورحمه كانت مسيطره عليك.. انت اخويا الكبير والضفر ميطلعش من اللحم .. والحمد لله ربنا اظهر الحق ..ولازم الغلط بيتكشف ولو بعد سنين

اظهر المزيد

مقالات ذات صلة

زر الذهاب إلى الأعلى